MANILA — Masayang ibinahagi ng GMA Integrated News reporter na si Mav Gonzales na siya ay ikinasal na sa kanyang fiancé na si Matthew Valeña, sa isang intimate wedding ceremony na ginanap kamakailan. Sa kanyang social media post, ipinakita ni Mav ang ilang larawan mula sa kanilang kasal at nagpasalamat sa mga taong tumulong upang maging espesyal ang kanilang araw.

“Even the sun shone when it was forecasted to rain. It was the perfect day,” ani Mav sa kanyang caption. “Thank you Lord for blessing us with this amazing memory.”

Dagdag pa niya, matagal na niyang pinangarap na magpakasal sa edad na 35 — at natupad ito sa tamang panahon. “Those close to me know I wanted to get married at 35, but I didn’t really count on it. Well, I did end up marrying exactly when I wanted. God is never late,” aniya.

Nagpasalamat din si Mav sa kanilang pamilya, mga kaibigan, at siyempre sa kanyang groom. “And thank you Matt for finding me,” dagdag niya.

Na-engage ang dalawa noong Hunyo, at bago ang kasal ay binigyan si Mav ng surprise bridal shower ng kanyang mga kapwa mamamahayag. Sa mga larawan, makikitang masaya si Mav na nakasuot ng puti at belo, habang napapalibutan ng mga kaibigan sa media.

Congratulations, Mav and Matt!

Larawan mula kay Mav Gonzales